Primorac: U 2023. zaplijenjeno 70 tona duhana i 1100 kilograma droge
Uskoro bi moglo početi punjenje dijela Trakošćanskog jezera
Počeli radovi na gradnji vukovarske obilaznice
Šesnaest hrvatskih LGBTIQ+ organizacija ogradilo se od objave Zagreb Pridea
Bjelovarsko kazalište dobiva profesionalnu predstavu Čaruga
U veljači izdano 3,8 posto manje građevinskih dozvola nego lani
Dječja bolnica u Klaićevoj dobila novi MR uređaj, vrijedan gotovo dva milijuna eura

  Priča

ČAKAVSKI ĆAKULAN (Sama zi sobu)

  Elfrida Matuč Mahulja
Krk           13.04.2007.         2137 pogleda
ČAKAVSKI ĆAKULAN (Sama zi sobu)


KI SMO ČA SMO I OD KUD SMO – JA Z BODULIJE

Naslov ove štorije van je neč kako da san napisala "Ja Klaudije". Bodulija ... to van je recimo, jedan zemljopisni pojam ki označava moj lipi škoj. Tako ga naime zovu svi kopneni sisavci. Mi, Boduli, mi smo vodeni sisavci aš smo zi svih band zaokruženi z moren.
Boduli su ljudi ki žive na Boduliji. Ako jih kadi god spomenete, reć će van da su to jedni hudi i napose škrti ljudi. Boduli će van pak reć da nisu niš huji od bilo koga drugoga kopnenoga sisavca i da nisu škrti nego škrbni.
Ja ću van reć da su ljudi po svuda isti. Jur je kroz moju kuću pasalo ljudi i ljudi svake šorte i od svakuda i svi su isti. Pate od istih kurijožij, ogovaraju, karaju se, kuhaju, prde, noge jin smrde itd. da ne gren vero va detalji - ki zna kamo bin finila.

Ovo "karanje" ću van odmah prevest da ne pride do kakove zabune ili da me ki optuži za voajerizam. Na mojoj čakavštini "karat se" znači svađat se. Imela san slučaj da me je jedan čovik ki je bil kopneni sisavac pital za sobu pa me je tako zmaltretiral da san mu šla reć: "Ma znate ča lipi moj čovik. Bolje da vi ne pridete kod mene na smještaj aš ja i vi bimo se odmah pokarali!" Taj isti se je najprvo malo zagrcnul a onda mi je rekal da će odmah prit. Potle san mu morala prevađat ča san ja to mislila. Jezične barijere znaju bit zafrigana stvar.
Mi z Bodulije van se volimo našalit i na svoj račun. Čovik se more nasmet do suz kad jedan garantirano Bodul pride do mora malo zmočit noge po leti. Boduli van se idu okupat dva-tri puta va celomu letu i to su van oni ljudi ki su najbeliji na plaži. Pridu do kupališta zi kakovu god Vespičinu ili Gileričinu - Kymco ne vole aš da njin se vide poznaju. Pod pazuhon nose šugaman i šampon. Da, da šampon ... zač bi doma trošili vodu kad je tuš na kupalištu! To je ono zač se zovu škrbni.

Bodul van se nikad neće tepal hitit va more. Još i to. Pa da ga kolpa. Bodul se toća malo po malo baren uru vrimena prvo nego zapliva šiguro slobodnin stilon. Vani je prije nego ča je šal nutar i brzo pod tuš - dokle još ni red. Onda lipo opere vlasi, škinu, trbuh i sve ča još ima - ovisno koga je spola če ne!? Potle ovoga ritualnoga kupanja legne na šugaman i zaspi kako top. Njega nikad niki neće pokrast dokle spi aš ni ne nosi takujin zi sobu. Ča će mu.
Ovo se zove oprez i zato Boduli retko kada imaju salmonelu, a kad ju ki i dobi to je ondat opća uzbuna na škoju. Tako, malo san van danaska provala približit narodnost kojoj i sama pripadan. Kako se Istrijani vole zvat Istrijanimi - tako i mi Boduli volimo svoju autohtonost. I ne parajte - da nismo dobri, ne bi nan se doseljavali i tako važni kopneni sisavci ovamo kako ča su lički medvidi.
Stojte kuraju!

Komentari

Za korisnike Facebooka



Za korisnike foruma

    Registriraj se

Ako prilikom prijavljivanja dolazi do greške, kliknite OVDJE.



Još iz kategorije Priča